Love all those orange tile roofs! darfoster · 2012-04-15: 20:19

Wonderful captures,looks like painting~!~ mallusatish · 2012-04-15: 23:54

Estes CLORES si me gustam a mi!!! La ferranha está biëm berdica...num deixa de tener biëm buöstas de la bacada que paçe alhá palos Chanos, Fuontespino, Trabanqueira e outros más Chamadeiros que nosoutros sabemos...aspuis, am "fin de tarde" rodeira arriba, caleija alantre tacando los chocalhos, bam- se arrimando al Lhugar porque dalguas tenem los bitelos nas loijas a espera de mamar, los más mamones buotam ua escumaralha que até cai al suolo...aspuis las mais acarinhando, comendo la palha e las nabiças de la presebeira, claro, bam soltando uas buöstas que se misturam no suölo cum la palha e l amo trailas eiquí para las cortinas de la Canhada e outros sítios para estercar las tiërras...Las ferranhas sega-se cum la fouçe que se compra am Mobeiros, soum de las melhores que you conheço, mas ai que tenar muito cuidado paque nistante cortam um dedo. Quano era garotico, iba cum mië Mai a segar uns feixes de ferranha num sítio que se bei neste retrato, parece que inda sinto l cheiro, aspuis puxaba ua penca, cortaba la punta cum los diëntes i esmagabala na tiësta para fazer ua pipa que tocaba cume ua corneta quando se asopraba. Mas las calçicas tamiëm ficabam biëm berdes nos joeilhos de las esgodar no restrolho...Quantas cousa más se poderiëm cuntar...Inda me lembro cume se fura hoije, l dië que çpindororam las campanas dal campanário e punirum las que eilhí estam oije...fazirum ua obra parecida a la que fui feita ai poco tiëmpo cum l quadro de l altar, nosoutros yá falemos nisso eiquí... Bou-me a calhar se nó inda tiëngo que dar uas ferronadas... Buieiro, ABRAÇO ATABANO · 2012-04-16: 20:51

Abril augas mil ! Conchu y lus atabanus nun ténen miêdu de l'auga ? ZZZZZzzzzzZZZZZ Dafeitu an cicuiranu · 2012-04-17: 05:05

Dafeitu an cicuiranu tamiën fëzo defeito no zunido de ATABANO... quando l ATABANO bëm longe, fai zzzzzzzz...i bosoutro ampeçais a pinotes de rabo alçado só de oubir l zunido, aspuis, quando se buos arrima a las oureilas, oubís l zunido assí ZZZZZZZZZZZ...antuom bosoutro correis a anfilarbos nas touças mas num bos sirbe de nada, poque l más ciërto yë lhebardes uas buonas ferronadas...i, quado oubirdes outra beç zzzzzzzzzzz... yá podeis salir, porque yá se bai ambora a rondar dalguas sobranhas noutras buiadas...mas ciudado, num l deia la belharaça de bolber...zzzzzzZZZZZZZZzzzzzzzzz.... ATABANO · 2012-04-17: 18:48

Á Atabano! A ber se ende por amprecípios de Agosto dás ua boladela alhá para Sendin i dás ua upa eiqui, http://www.facebook.com/photo.php?fbid=174471609338266&set=o.141658455901952&type=1&theater , se nó la parte de la Raia queda cun poucas personas i nós tenemos que amostrar cumo la lhéngua ye porqui falada. Cumprimentos a tue mai. Amostra le estes trigales i eilha bai te dirá que nun ye ferranha porque essa ye centeno berde cumo tu segabas atrás de la eigreija adonde tenies uas cormenas (se bien dou fé). Abraço arrochado Boieiro · 2012-04-19: 06:12

Num se bos escapa nada!!! pus a mí tamiëm nó... quando dei estas piceladas pareciëume que quedarë más guapo la clor de la ferranha do que l trigo inda berde, num yë que you num haba dado cuonta disso... quantas geiras de trigo arei, sumbrei e seguei...más do que cënteno, las pahlas que dapareciëm pol meio dabam buöm geito pra las garanheiras e aspuis fazer los manolhos quado l trigo estaba seco, se estubise mui ásparo até la garanheira de quebraba e las pahas espetabam-se biëm nas manos... A respeito de las esbolaciadelas num antandí biëm??? Sabeis que agora tengo que tener algo de cuidado donde boto l ferroum, mas aspuis falamos nessas cousas... Quanto a los cumprimentos a mië Mai, seram dados. L mesmo mando a la buossa Mai. ABRAÇO ATABANO · 2012-04-20: 17:07

Por num haber más retratos, puöde haber más cumbersa...Pus antoum bamos outra beç a la cuönta de las campanas que bemos neste retrato e las que num bemos porque yá eiquí num estam...sí, porque las campanas que se beiam no campanairo num soum las que estubiram eilhí toda la bida...inda era garotico, lembro-me cume se fura hoije, biëno ua camioneta daqueilhas antigas que yá num ai agora, antrou no lhugar apitando, los garotos a correr por trás, más uns homes deiquí uas mulhëres deilhí e donde fui a parar? a la puörta grande de la eigreija por donde salam los estandartes e los andores nas procições nos diës de fiësta. Mas, aspuis de la carriplana arrimada al pië de ua canhiça que inda eilhí está hoije, cuntinuoram a juntarse más pressonas...anriba beniëm las campanas que se beiam no retrato "que guapas!!!" dezë la gente...aspuis de ums abraços e uas mãozadas entre los que guiabam aqueilha criatura e los que ancomandoram l serbiço, e you inda me lembro de dous deilhes, abië que puner manos a la obra porque la cousa num era cume lhamber l miël de la silba...purmeiro abië que çpindorar las campanas que eilhí estabam sabe-se yá quantos anhos, quantas bezes tocarëm a missa, casamentos de pressonas que num conhecimos, batizados de ninos que hoije serëm más que bisabôs de los nuosos bisabôs, la trindade a las nuites, a rebate e a çcanso no fim de las bidas de quëm tantas bezes las oubiu tocar...ambas estabam colgadas por ums braços de madeira, reforçados por fuortes cabilhas de fërro. La grande dezëm que num abië outra cumo eilha, oubëse tocar de l siërro de l Naso, la más pequeinha yá estaba rachada e antoum era essa la escusa que dabam los mandones para fazer la machorra... cuördas eiquí, maromas eilhí e los más balëntes tenëm que damostrar la fuörça, um de los que se fartou de puxar tem hoije ua casa anfrente a la puorta paqueinha de la eigreija. Mas l amgraçado yë que los que çfolhabam la machorra só dabam ordes, num mexiëm ua palha. Fui assí, que parte de las bidas de muitos de los nuössos antigos se fui para sëmpre, nosoutros inda pudemos oubir las que eilhí estam num sabemos por quanto tiëmpo, mas los que bandiram la çamarra yá num oubam las antigas nim las de agora, mas DIËUS perdonalos poque eilhes num sabëm lo que fazirum. Sabeis que por trás de la anzona que hoije está no altar donde çpidororam l quadro de l batismo assinado por um tal de Costa que lo restourou, porque num yë de suö autoria, está pintado na parede um FRESCO represantando tamiëm l bapismo mas más antigo, anterior a los retábulos de l altar? zzzzzzzzzzzzzzZZZZZZZZZZZZZ cuidado que el inda anda eiqí... ABRAÇO ATABANO · 2012-04-30: 23:42

Las cousas son assi mas inda biên que guardorun'l pendon. Falandu d'aquissu... n'aqueste Deimingu fui you a Cicuiru an cumpañie d'un sturiador pursor n'un sminariu y ua restouradora. Pus.... las tiês que staban eilli n'eigreija a reza'l terçu nun mus deixorun antrar y vé'l que nos querimus ver, al pendon y la bandeira. Ye miserable ver cume fumus arrecebidus, you un rapaç de la tiêrra y eilles uns amigus venidus de tan loinge quaisque a pétu ! You nu sei que vus diga home ! De restu fumus anton a la Lluç y la restouradora viu lus santus qu'eilli staban y fizu-me ver que lus santus qu'eilli staban NUN habiên sidu restouradus, mas que simplesmiênte lus habiên repintadu tudicus... aquissu nun yê restourar ! Falandu de Lluç, you nun vus vi alla, niên l'Atabanu, niên Buyeiru... Mas you sei que'l Buyeiru andava cu'la lluç (d'aquesta véç siên majuscula) haha Cicuiranu dafeitu · 2012-05-01: 16:53

Dafeito Cicuiranu, nunca dixeis de lhuitar por aquilho que bosoutro bos parece cërto, por la nuössa Tërra, las nuössas tradiçones, los nuössos balores e las lambranças de los Cicuiranos que yá acá num estam. A las bezes bem ua patada de onde menos se espera...aber l que abemos de fazer para bolber a pidorar l quadro dal baptismo de l sítio donde nunca abëde tener sido tirado...mas purmeiro inda ai que saber por donde pára??? ATABANO · 2012-05-03: 12:45

Atabanu, dal quadru you nu sei nadica. Y'l pendon ye mas u cousa que s'habie squecidu y qu'hoije vai a resalir. De restu hai mas cousas pra fazer, ua d'eillas ye lus puliticus cicuiro-mirandeses s'anteiren pra cunservar to'lus nuossu chamadeirus... y mas nun digu agorra que tengu l'almuorcu ya prontu :0 Cicuiranu · 2012-05-05: 08:43