Purmeiro Retrato

-Mas adonde ireis?

Anda bai-te a bestir i bamos al "cofie"...
Bamos a dar ua buolta...
Acá nin tengo çapatos de ir al "cofie"
Labei uns i nun stan secos

Mas que stás "dezindo"?
Bamos a dar ua buolta.
-Mas adonde ireis?
Adonde?

Apuis lougo se bei. Bá anda.

A la barraige a fazer l quei? Preguntaba l ranheta.
L pirilampo quedou mágico
cun ls uolhos boubos
mas nin ibamos a agaçpiar

-Mas adonde eireis?

La strada bouba tamien a scucir-se para adonde le daba la gana
La curtina abrie i apuis ancerraba-se
Cun la bulina cun que le mandában
Un carro i dous cul bolante (ua ruodra, ls bolantes son redondos) an las manos.

Ls mássimos i l flax (queda mal cun flax, nun l ligues) trazien la luç
La luna tamien
Staba galana
Tenie fuogo que nun se bie, mas podie ser retratado.

Alto i pára l baile; stá burmeilho ("you gusto de ubas murmeilhas", si, sin "b" cun "m", dezie de garotico - lembra-me miu bó a las bezes)
naide tamien quier salir de Pertual, al menos hoije
Nin sequiera bou a correr até a la outra punta de la puonte
Eiqui me quedo, stribado.

Diç...
-L que nun stá, gusta de Belgas
you de Marias (bolaixas, aí l lambiato)
i tu fuste para la Pulunésia essa (adondequiera que quede nun ye acerca).

Tenes que ir alhá un die
Bejitar l campo de cuncentraçon
Auschwitz?
No. Gusto mais ls Pisones. Ye mais alegre, nun te aflijas.

-Mas adonde eireis?

Bá tamien quiero anzonar
Tantos botones i nun ye solo carregar
Ahh manos de alicran. Peç un angronho.
Bota acá que you te pongo esso cumo manda la lei.


Qualquier Antunes(i you nun gusto muito del) pensarie que you sou un Lobo.
Cumoquiera solo nun mereço l "Nubel" (como diç l que yá l recebiu) porque nun atrabessei la puonte
Anquanto ancerra la curtina quedo ciego, sin ansaios sin nada
Nun ye ua jangada, ye un torron - de cantarie puis claro - miu, solo miu (pribatibo i de mais trés) i de to l mundo.

Apuis lougo se bei. Bá anda (boubo).