Las Placas

Zde hai uns tiempos a esta parte hai uas placas a l’antrada de las tierras, nas stradas, a dezir: ‘Bienbenido’; i a las salidas, la mesma cousa: ‘Oubrigado pula sue bejita’. Cai bien ber placas dessas quando passamos por ua tierra. Se nun pararmos, queda essa buona ampresson. Mas se resolbirmos a parar i antrar, lhougo todo demuda de figura: ye ralo tornáren a aparecer mais placas que téngan sido alhi puostas al perpósito para quien chega de fuora. Assi, acabamos por quedar cula eideia de que aqueilhas placas de la strada, mais que ua bienbenida, son ua marcacion de terreno, cumo quien diç, ‘eiqui mandamos nós, este ye l nuosso domínio. Anda mais un cachico que alhá acharás ua placa de çpedida’.

Cachico dun testo de Amadeu Ferreira que stá an www.diariodetrasosmontes.com