Bardeiro

Mirandés(lembrai-bos que l Photoblog stá çponible an Mirandés :-)):
You nun gusto muito de cumpartir ls dados técnicos[que tamien sou un puro amador] de l retrato porque acho que ye mais amportante la eimoçon i la mensaige que la técnica, mas cumo alguien pediu ls dados, eiqui quedan subre l purmeiro retrato:

Bulina de la cortina[al fechar] (Tiempo de spusiçon) = 1/1250 segundos
[quier dezir que ye debrebe, menos de un segundo anquando se puode scolher 30 segundos por eisemplo]

Abertura de la lente = 5/1 = F5
[cunsante la lente, mas por eisemplo puode ir de F3.6 a F32, quanto mais pequeinho [maior queda l buraco] mais çfoca i mais antra luç.]

Çtancia Focal = 190/1 mm = 190 mm
[quier dezir que fui achigando l chamado "Zoom" un cachico baliente, por eisemplo puode ir de 18mm a 300mm]

Sensiblidade = 200
[ quier dezir que nun fui percisa muita sensiblidade, yá que era de die cun sol, por eisemplo puode ir de 100 a 1600]

Flax = L Flax nun çparou.

Nota: Estas cunfiguraçones puoden-se scolher an las maquinas de retratos SLR(single lens reflex), i nun ye possible an las outomáticas. Las cousas outomáticas son menos spiertas que ls homes i por esso cun estas maquinas se puode tirar retratos mais buonos que cun las que ye solo carregar nun boton.

Bou a splicar l que you sei al de lebe ls númaros (porque you tamien ls acho fascinantes i puode ser que tamien bós ancanten) i aspero que que seia bisto cumo ancentibo a que haba mais retratistas por Sendin[i nó cumo de agabarrion].

Esta cacharrada de númaros(todos cunjugados) sírbe para que l fondo quede mais çfocado ó menos nítido, mais tremido ó menos, mais claro ó mais scuro.
La maior anfluencia ne l fondo çfocado ye de la Abertura, pa que ls retratos nun queden tremelicados ten que se scolher ua Bulina alta(mais debrebe melhor, inda que se nun hai luç a las bezes nun seia possible), la sensiblidade permite acaçar mais luç mas ten l contra de fazer cun que l retrato quede cun broça, ruído eiletrónico(picutado, a la nuite se spurmentardes cula buossa maquina cumpacta eilha outomáticamiente scuolhe ua sensiblidade alta i esso nota-se ne l retrato).


English(Hi, remember that Photoblog is available in Mirandese, give it a try :-) ):
I usually don't like to share the EXIF because i think emotions and the message is more important than the technique, but because someone asked about the EXIF, here it is for the cover photo:
Shutter Speed (Exposure Time) = 1/1250 second
Lens F-Number/F-Stop = 5/1 = F5
Focal Length = 190/1 mm = 190 mm
ISO Speed Ratings = 200
Flash = Flash did not fire.