|
 |
I don't want to go there! :-)
wfrnk · 2009-02-18: 07:32
|
 |
great image!
betsymurphy · 2009-02-18: 11:25
|
 |
Yá sou tan bielho que inda se me lembra de fazéren esse matadeiro; antretanto, dórun-le l nome a las rues i ponírun placas; apuis zapareciu l matadeiro; se deiqui a cien ou mil anhos la rue inda eisistir i tubir esse nome i todos ls decumientos houbíren zaparecido, la placa nun puode deixar dúbedas de que eilhi houbo un matadeiro: eiqui stá cumo ls chamadeiros i la toponímia an giral ténen balor stórico i mos debie de lebar a mirar pa ls nomes que son chamadeiros cun outros uolhos, nun deixando que se perdíran cumo stá a acuntecer a mais i a maior.
amadeujf · 2009-02-19: 05:51
|
|
|
Pal porsor Amadeu, en Sendin nunca oubi dezir que fusse matadeiro, mas si Matadouro, faç-me algun chinfrin. Matadeiros de cabeça hai muitos, cierto ye que la palabra mais bielha serie matadeiro, mas murrei al pie de tiu Zé Maria Inacío i tiu Luzie muito tiempo, i nunca oubi dezir Matadeiro.... Abraços
zé mialito · 2009-02-19: 08:29
|
 |
Biba Zé... you stou cumo tu. Ua beç passei na rue de nuite i mirei la placa. Pensei; mas miu abó peç que dezie "Matadouro". Tamien nunca scuitei MatadEIRO. Apuis noutro die passei cula maquineta i tirei l retrato. L porsor Amadeu ua beç yá me mandou ua carta eiletrónica a splicar l porquei deste nome. Se calhar tamien apuis pon eiqui la splicaçon.
Sendim · 2009-02-19: 11:53
|
|
|
Matadeiro, Labadeiro i outras cousas an EIRO... Inda me lembra cumo hoije de matáren alhá bacas i mie mai quedar cula metada, na altura de la matáncia, para poner an çuça i anchir. Mas l que me lembra melhor ye de ir para alhá cun mie mai a ajudar a pegar nas tripas para le botar auga i labar un bientre. Siempre oubi dezir matadeiro i you nesso inda falei cun muita, muita soma de giente. Mas pronto, l OURO foi siempre mais balioso. Abraço. Carlos Ferreira
Carlos Ferreira · 2009-02-21: 15:15
|
|
|
Tubiste mais suerte que you, pos un chouriçico de baca yá hiba.
zé mialito · 2009-02-21: 17:44
|
|
|
|
