1. Esta tie fui mie bezina i la bida lieba-mos pa mais loinge; apuis solo se bai cumbersando ralas bezes; mas estas eimaiges son tamien un amostra de l miu afeto i respeito por eilha que eimagino tantas bezes tenga andado cumigo al colo.
2. Nun respeito la cumbençon de la scrita ne l que toca al "on" pus you nunca na palabra coração poderie poner "on" i eiqui tenie que outelizar essa palabra.
Ohh solidão solidão
Que naide para mi mira
Cumo me parte l coração
Ohh triste bida
Nien pa quemer folar me cháman
A eilhes todo le dei quando podie
Agora de lado me míran
I ándan cula maior alegrie
Als tombos, a caier i a m’albantar
You porqui ando solica
Assi tengo que me zanrascar
I cuntinar la mie bidica
Ye ua frida, siempre a aleijar
Maçca maçca i nun cura
Nun hai modo de me librar
Xorda i ciega; pouco falta pa ser muda
Lucas Pires
Biquicionário: Nomes an Mirandés(la maiorie por Amadeu Ferreira)
