"Asina" falamos! "Asina" ye!

Hoije tube l prebilégio de tener ua pequeinha mas farta cumbersa an "llingua" i léngua. Las Galeries de Arte quedórun spantadas cun tanta arte i
cultura. Nunca aquel café cuidou chubir (tiu Ché dezir "tchube tchube pa riba[pa baixo ye defícele]") tanto l nible cultura. Ls quadros cun latas
de sardina pintados de modo rebolucionairo bien botában l oubido pa scuitar ua léngua filha ó armana de la sue pariente. Serie cumo scuitar pessonas
que tubíssen cumo léngua de nacença l latin i pertués. Uns a tentar ber las aparenças que son muitas.
- Mira l "tch" tamien ye lionés pensaba pa l miu "Beirão". Stá bien.
Habie pessonas al lado, mangino l que pensórun al scuitar Lionés i Mirandés ne l meio de Coimbra.
Cuido que nun son spiertas al punto de saber que ua léngua ye de Pertual. Nun le deixei scuitar falar pertués cumo l deilhes, aposque nun çcunfiórun.
Las pessonas nun quieren saber. Ls pertueses ténen "fome" i ls castelhanos "hambre". Fame de saber que nun acupa lugar naide ten.
Se cuidássen que an latin ye "fames" i cumo el me splicou l "f" an castelhano caiu por bies de l Basco talbeç se antressássen por esta léngua que anda
pula "ca(lh)e" de la amargura.
Sue buelin i miu abó puoden tener proua de l que fálan i de l que son. Apuis de l zprézio de ls filhos la buntade de çcubrir de ls nietos
anda por ende.

-Tudo junto?
-Si you hoije pago todo.
-Obrigado.
-Obrigado eu.