Chingkenneth0226's PhotoBlog

17/2/2019 今日成日都冇見你 晏晝搵咗else一齊食午餐慶祝朱寶生日 之後原來你今日話要搵Simon 原來都係我對面個屋企玩 其實我真係唔係好鍾意你成日都打麻雀 搞到自己好攰又玩通頂咁樣 搞到精神狀態真係好差好攰🤦🏻‍♀️🤦🏻‍♀️🤦🏻‍♀️🤦🏻‍♀️ 最唔開心嘅事係我send咗咁多資料俾你睇 然後先發現你請唔…

16/2/2019 今朝你好早就要起身去檢查對眼 希望遲啲做激光會順利啲 然後我就去咗港島搵你同Emma 食咗lunch之後我哋就去咗玩AIA嘉年華 因為你隻眼嘅狀態都唔係幾好🤷🏻‍♀️ 所以結果我哋都只係得壹個公仔🤦🏻‍♀️ 但係唔緊要啦最重要係玩得開心 今晚好勤力咁樣搵左啲復活節嘅機票嘅價錢😍唔知可以去到邊個地方…

15/2/2019 今晚本身約咗你屋企人食飯 但點知你屋企人唔得閒 所以最後都變咗同你食 然後我哋就約咗喺紅磡等 結果就行咗去尖沙咀食咗一間好出名厚豬扒嘅餐廳 但我見你今晚成晚都好攰 我都諗住唔煩你咁多☹️ 早啲返屋企算 多謝你最後都買咗盒麥提沙俾我食 眨下眼就食晒囉🤣

14/2/2019 今日係情人節 但對於我來講係第一日嘅返工😭😭😭 一啲都唔值得開心 好彩嘅係今日上嘅堂比較少 所以就比較輕鬆 夜晚我哋去咗觀塘街市食泰國菜 同以前一樣都係咁好食🙊🙊🙊 其實我好想你送粒朱古力俾我做下樣都好呀☹️不過at the end其實我哋都太攰啦 根本都已經冇力去慶祝呢個情人節🤦🏻‍♀️🤦🏻‍♀️…

13/2/2019 今日係最後一日嘅假期 所以我都盡埋今日嘅責任 去咗灣仔搵你食午餐 之後去咗灣仔嘅圖書館做嘢 做完之後就做到六點半 希望可以改起一疊文 結果都做到🥰🥰🥰 之後就去咗同你一齊放工 咁樣就完結左假期啦😭😭😭😭😭

12/2/2019 鑒於尋日係屋企完全做唔到嘢 所以我決定今日下午就返去中大圖書館 希望可以改起一疊 結果真係做到😍😍😍 講完之後就那那林食咗啲嘢 之後就去返學 咁樣嘅日子真係好充實🙈 我諗我真係要開始做返啲應該做嘅嘢囉😤😤

11/2/2019 今日終於要做啲正經事 就係今晚要返學😂😂😂 其實我好唔ready 因為我成個假期都係食同埋訓 所以對於今晚要返學實在覺得係有啲擔心🤦🏻‍♀️🤦🏻‍♀️ 結果晚餐我就煎左幾舊蘿蔔糕食 然後夜晚就返學已經用晒啲腦汁 覺得好攰好攰囉🤦🏻‍♀️🤦🏻‍♀️🤦🏻‍♀️🤦🏻‍♀️ 好彩今日唔使返工

10/2/2019 星期日 但係冇見你 因為今日媽咪休息 係family day 😌 好叻咁帶左媽咪同細佬妹去食養心殿 最開心係媽咪好中意 然後就係荃灣行左成日街 真係成日😂😂😂😂😂 大出血買左好多好多野🙈🙈 行到夜晚八點半返到屋企 而你尋日去左朋友度玩通宵咁制 今日又再同佢地打麻雀😂😂😂 聽日你又要返工啦 唔知我地可…

9/2/2019 星期六 因為今日晏晝你要去你朋友嘅屋企玩 所以我就盡早去搵你啦 然之後我哋先食咗好好味嘅街市 行咗一陣你就要去搵你個朋友囉 而我就諗住返屋企啦 點知就去咗朱寶屋企玩左一陣 咁我嘅星期六就完咗啦 完全冇做過任何野😭😭😭

8/2/2019 今日年初四 午餐嘅時候我去咗灣仔搵你 多謝你帶我食咗間好好味嘅餐廳 食左好好味嘅燒雞🤤🤤🤤 然之後我就去咗荃灣同大學同學玩左一個好開心嘅夜晚 今日見到你就開心呀 聽日我哋又可以再見啦❤️❤️

7/2/2019 今日我哋終於和好如初 今朝去咗搵你食午餐 食咗個好好味嘅米線 然後就去咗你屋企坐一陣 之後就出發去我屋企 買pizza 同埋今次係今年你第一次上嚟我屋企 但係我想講嘅係你表現得非常之好 大家都好鍾意你 你真係好叻呀 我今晚都好開心🥳

6/2/2019 今日係年初二 可以瞓到好晏 但係之後就俾人追 所以就要搭的士去天水圍 食咗一個麥當勞之後 就去咗荔景食晚飯 今日見返好耐冇見嘅堂哥 傾傾左好多嘢之後 去到夜晚我就出咗去同你同puiyi睇戲 但係今日你就嬲左我 其實成晚嘅氣氛都好差 其實我最唔開心嘅事 當我問你會唔會嚟我屋企食飯 你就話唔知啊 然後我就…

5/2/2019 今日大年初一 我同你都各自去咗拜年 但係我今年呢拜年嘅地方係好少 所以都幾早就返到屋企 但係因為我真係好唔舒服 成個人都好暈 又係咁咳又流鼻水 返到屋企忍唔住食藥瞓覺 最後連其實我本身係諗住如果你哋再出街食飯 我就可能去一去俾你屋企人見下 但係因為我就好唔舒服 所以成日真係訓教 就正常返啲妹妹就叫我打…

3/2/2019 多謝你今日又陪我 今日我哋去咗元朗 因為我要換翻個兩對舊鞋 然後去到元朗你就飲你嘅茶走 仲陪左我行一陣街 然後去到夜晚 其實我都已經唔係好舒服 但我都堅持幫媽咪包菜包 包得超級靚 終於可以好快到新年❤️🙈

2/2/2019 今朝你去咗睇物理治療 我就去咗補課再去睇牙 多謝你直接喺馬鞍山搵我❤️ 然後我哋就一齊去行旺角嘅花墟 其實我覺得舊年嘅旺角花市真係好玩好多 今年就真係好悶 食嘢嘅地方真係好少 同埋我又開始真係好唔舒服 但係今日來講都好多謝你陪我行花市 好開心我哋都堅持到每年行花市嘅傳統🙈🙈
Loading...
Up
Copyright @Photoblog.com