The balcony observer's 147th report- What are their names in Taiwanese? 怹个台語名按怎講?

by Tsao T-F May. 21, 2019 516 views
Four kinds of birds on my balcony <我个陽台四款鳥朋友>

Four kinds of birds on my balcony <我个陽台四款鳥朋友>

我个台語無啥輪轉,平常時嘛罕咧用。明仔載(5月22號)是國際生物多樣性日子(International Day for Biological Diversity),一時興興,我想袂佇遮介紹我个陽台四款鳥朋友个台語名。

First: Pycnonotus sinensis 白頭鵠仔

First: Pycnonotus sinensis 白頭鵠仔

第一款,「白頭鵠仔」(peh-thau-khok-a),嘛有人寫「白頭殼仔」。

華語號做:白頭翁

英文是:Light-vented Bulbul

學名是:Pycnonotus sinensis

雀形目鵯科个白頭鵠仔,頭頂戴一頂白帽仔,是我个陽台上蓋捷看著个嬌客,平均壽命差不多10至15年,阿肥和阿瘦著是。叫聲不止仔清,而且有幾若款叫法。

白頭鵠仔毋但愛吃果子,閣愛放屎踮我个陽台。我陽台个娘仔樹(桑樹)、烏甜仔菜(龍葵)、流血桐(血桐)、楷木(黃連木),攏是怹"種"个。實在是"家己欲食个家己種"!

Secondary: Zosterops japonicas 青笛仔

Secondary: Zosterops japonicas 青笛仔

第二款,「青笛仔」(tshinn-thi-a),抑是「青啼仔」,嘛有人寫「青弟仔」。

我個人(佮一寡網友?)感覺應該嘛會通寫成「青豬仔」,意思是青色个豬仔,有古錐無?

華語號做:綠繡眼

英文是:Japanese White-eye

學名是:Zosterops japonicus

雀形目綉眼鳥科的青笛仔,目睭邊仔一框白白,足明顯,真好認。紐西蘭个朋友叫伊「Silvereye」。

青笛仔嘛定定拜訪我个陽台,四常是二至四隻團體行動,叫聲攏是「唧-唧-唧」,聲足清,鳥未到,聲先到,罕罕十幾隻同齊來,看甲我个目睭攏花啊。

青笛仔愛洗身軀,所以我沃花時常常順紲共葉仔用水噴噴个,一方面洗葉仔,一方面會使烏紗鳥仔。

Third: Streptopelia chinensis 斑鴿

Third: Streptopelia chinensis 斑鴿

第三款,「斑鴿」(pan-kah),嘛有人寫「斑甲」,包括華語个紅鳩、珠頸斑鳩、以及金背鳩三種。

其中來我陽台个是珠頸斑鴿,因為頷頸仔兩邊佮背後有黑底,帶白斑个鳥毛,親像戴珍珠袚鍊。

華語號做:珠頸斑鳩

英文是:Spotted Dove

學名是:Streptopelia chinensis

鳩鴿科副斑鳩屬个珠頸斑鳩,平常時愛佇土跤找食,無常常上我个陽台,因為陽台土跤攏付我掃了誠清氣,無怹个食物。

斑鴿干單罕罕會來,攏「咕-咕-咕」咧叫,聲音低低,不而過真大聲,敢若是恐驚別人無知伊會來。猶毋過斑鴿真無膽,常常看到人影就緊飛走。

Fourth: Lonchura punctulata 烏喙筆仔

Fourth: Lonchura punctulata 烏喙筆仔

第四款,嘛是上尾一款,就是「烏喙筆仔」(oo-tshui-pit-a),嘛有人寫「烏嘴筆仔」,因為全嘴黑嘛嘛。阮厝內攏講「烏喙撇仔」。

華語號做:斑文鳥,因為怹个胸坎佮腹肚有親像魚鱗个花草,俗名叫做鱗胸文鳥、魚鱗沉香算命鳥。

英文是:Scaly-breasted Munia,Nutmeg Mannikin,Spotted Munia

學名是:Lonchura punctulata

梅花雀科文鳥屬的斑文鳥,雖然聽講是常常看个著个都市野鳥,不過我干單佇陽台看見一兩改,體型佮青笛仔差無偌濟。

This article is written in Taiwanese (Taiwanese Min Nan, not Taiwanese Mandarin) that is spoken natively by about 70% of the population of Taiwan. Although words (Traditional Chinese) of Taiwanese are very similar to those of Taiwanese Mandarin, they are read very differently.

(Sorry, Taiwanese is currently not supported by Google Translate.)

Join the conversation
4
There are 4 comments , add yours!
Bethany Plonski 1 year, 8 months ago

Thank you for sharing some birds that I would never get to see where I live! I have never seen a spotted dove before, but it is really beautiful. It's interesting how birds and animals get their names too.smile

1 year, 8 months ago Edited
Tsao T-F Replied to Bethany Plonski 1 year, 8 months ago

I am happy you interest the post. smile
Hope the language does not confuse your reading.

1 year, 8 months ago Edited
Bethany Plonski Replied to Tsao T-F 1 year, 8 months ago

I tried google translate, and the translation had choppy word order sometimes, but I think I could understand most of the main points. smile

1 year, 8 months ago Edited
Tsao T-F Replied to Bethany Plonski 1 year, 8 months ago

Smart Google and smart Bethany!
In fact, I tried to use google translate before I posted. Results were correct (so magic) in some, but incorrect (very terrible) in others. Ha Ha.

1 year, 8 months ago Edited
Up
Copyright @Photoblog.com